MINION TENTENTIESO

Ola , o obradoiro de hoxe xurdiu ao caer nas miñas mans un ovo kinder deses grandotes de pascua. Quedei coa caixa e a forma era perfecta para facer un minion, magoa que fora a dúas cores, porque outras veces as caixas son totalmente amarelas.

Materiais: 

Unha caixa interior da sorpresa dun ovo grande (tamén podedes facer as versións minis).

Goma eva amarela, negra e azul.

Cola para goma Eva (podedes empregar a pistola de silicona quente tamén).

Un ollo saltón.

A tapa dunha botella (de cor gris mellor).

Goma elástica plana.

Papel de aluminio.

Tesoira e cutter

Rotus.

Regra e cinta métrica

Elaboración

1º paso: medimos o contorno e cortamos unha peza de goma eva azul (será o peto vaqueiro do noso Dave). A peza a cortamos á metade (coma se foran as costuras). Logo nunha das metades cortamos dous cadrados cara dentro como se foran o espazo libre do peto. Dun dos cadrados sobrantes facemos o peto frontal e lle debuxamos o símbolo que ten Dave. Despois a pegamos centrada sobre a parte frontal do noso peto.

2º paso: cortamos dúas pezas amarelas para tapar os buracos do peto e outras dúas pezas negras para facer as mans. Pegamos primeiro as amarelas e logo as mans.

3º paso: por outro lado recortamos un circulo no tapón da botella con moito coidado, logo o perfilamos un pouco co cutter. E lle pegamos un anaquiño de acetato dunha caixa ou paquete que teñamos por casa (se non atopamos un tapón gris o podemos forrar con papel de aluminio).

4º paso: baleiramos un dos ollos con coidado facendo un corteciño cun cutter, e collendo de referencia a pupila negra pintamos nun papel un ollo marrón e llo pegamos, volvemos a introducilo no ollo (así teremos un ollo marrón).

5º paso: pegamos na parte amarela da caixa (que será a cabeza) primeiro o ollo e por riba a gafa feita co tapón.

6º paso: cortamos un anaco de cordón plano negro e lle poñemos nos extremos un pouco de papel de aluminio, e logo o pegamos rodeando a cabeza ao redor da gafa.

7º paso: cortamos unhas tiras finas que serán o pelo de Dave en goma eva negra (ou en cartolina, ou de corda de escoba, ou simplemente as pintamos con rotu negro) e as pegamos.

8º paso: co rotu negro pintamos un sorriso na cara e con rotus laranxa, negro e azul os detalles das costuras e botóns da roupa.

Agora o poñemos sobre a mesa e a xirar, intentando que non caía, xa temos o noso Minion tentetieso. Podedes crear outras personaxes que se vos inspiren con este tipo de caixiña.
Agardamos que vos gustara.