A MOCHILA

Teño unha mochila das grandes, das de 85 litros que levábamos antes cando iamos de campa, agora a rapazada trae maletas tipo “trollei” maioritariamente, Esa "saqueta" a maiores de levar todas as cousas físicas: saco de durmir, calzado, roupa, etc. Foi unha mochila que quedará para sempre chea de cousas importantísimas na miña vida:

1º na base, unha chea de ILUSIÓN, de actitude positiva á hora de comezar cada novo proxecto, cada campa, ludo, actividade, curso, etc. Se esa base é sólida e forte, xa tes moito adiantado.

2º TRABALLO (e formación), constante, esforzándose sempre, sen deixarse acomodar, aceptando novos retos, formándote sempre con novos cursos, compartindo experiencias, devorando manuais, publicacións e moita lectura, xa que nos libros, e aquí falo de literatura, aprendes constantemente e che fan mellor persoa. Así que devora novela, poesía, teatro, banda deseñada, etc.

3º PERSOAS, esta mochila esta chea de momentos que nunca esquecerei cos nenos e as nenas dos campas, cos mozos e mozas das actividades,coas alumnas e alumnos dos cursos, cos monis e dires cos que teño realizado todas estas actividades de tempo libre e formación. De todas esta persoas teño aprendido moito e non deixo de aprender.

Basicamente, e é moito, de todo isto esta chea a miña mochila de TEMPO LIBRE. A maiores, nos petos da mochila, esta a cantimplora chea dos xogos que nunca fallan, a caixiña dos obradoiros fantásticos, o Cd das cancións chulas e as súas danzas, o lapis e o caderno onde sigo a anotar as ideas, as letras, os poemas.

E tamén teño un pequeno peto onde gardo as malas experiencias, que tamén as temos, pero das que sempre se aprenden, nese peto están as decepcións, ese día onde nada sae ben, os xogos fallan e queres deixalo todo, están esas bagoas  de rabia contida ante unha inxustiza, a xente que pasou que ía comerse o mundo e gastou a mecha en cinco minutos, a que che mentiu e se aproveitou de ti, etc. Pero todo isto é un pequeno peto nunha mochila enorme e chea a rebordar de boas cousas. 

Que si é o mellor traballo do mundo? Depende de ti, depende de nos. Boa sorte, se alguén a quere eu lle presto a miña mochila, pero vos recomendo que cada un vaia facendo a súa, mola máis. Para despedirme: Un bico. Un que? Un bico.

Bigthor