PASABOLA

Boas a todo o mundo, reiniciamos Trebelladas Pasatempos. Tiñamos pensado comezar "TrebelladasPasatempos" con outro obradoiro moi doado, pero como estamos xa en verán vos propoñemos un xogo/ xoguete e a súa variante para divertires coas peques da casa (e os adultos tamén) a custe case 0.

Para realizar o obradoiro imos precisar:

        - 2 botellas de plástico de refresco de 2 litros (poden ser de 

        1 1/2 litros, pero mellor máis grandes).

        - 2 botes de iogur de beber (tipo actimel de rosca ancha)

        - 1 pelota de ping pong (que nos imos trocar por unha dun 

        desodorizante rolon)

        - Fío de perlé e agulla grande (opcional)

        - Cinta íllante (ou cinta de papel ou adhesiva).

        - Tesoira e/ou cutter.

        - Globos de auga (para refrescarte neste tempo de verán)

Elaboración:

1º paso: retiramos os plásticos dos iogures de beber (se os traen, os de marca branca as veces non teñen).

 

2º paso: recortamos nas botellas de 2 litros para obter dous embudes amplos (queremos poder atrapar a bola ou o globo de auga).

3º paso: (OPCIONAL) afuracamos a base dos iogures de beber e enfíamos unha agulla cuns 5 metros de fío, primeiro a pasamos por un dos iogures de beber (aguantamos un fío e tiramos do outro para deixar un fío único e facemos unha boliña de nos  pola parte aberta da botella para que ao tirar non se saía. Repetimos a operación co outro iogur de beber). Isto o facemos se desexamos xogar de dous en dous e limitar os movementos para que sexa máis divertido, pero se non o facemos poderemos incluso xogar moitas persoas a mesmo tempo e resulta moi participativo e divertido. 


4º paso: xuntamos os embudes feitos das botellas cos envases de iogur de beber (se é preciso rodeamos con cinta íllante para mantelos firmes).

5º paso: introducimos a pelota que temos desmontado do desodorizante e a XOGARRRRRRRR. Se o desexamos e fai calor sustituimos a pelota por globos de auga e a ver quen se molla.

Saúdos e agardamos que vos guste a proposta. Iremos subindo máis contidos, de xogos, obradoiros e outras temáticas de interese (TREBELLADAS) que se nos ocorran. Síguenos en Facebook: PASATEMPOS TEMPO LIBRE.

Descárgate o PDF resumido (versión en galego): http://pasatemposetl.wix.com/pasatemposetl?fb_ref=Default#!arquivos-de-interese/con8