O obradoiro desta semana, máis que tradicional é
“ancestral” ou antigo, aquí o coñecemos por solitario celta, pero se lle atribúen
distintas orixes O que explico esta feito en madeira aproveitando un vello
prato de polbo que empregaba para traballar barro. Este queda moi aparente para
que o teñades na casa ou no campa coma xogo de mesa, pero con materiais sinxelos
coma cartón e plastilina ou pasta de papel podedes facer versión moi chulas coa
rapazada.
Materiais:
1 peza de madeira redonda (un prato de polbo por exemplo)
Lapis e borrador de borrar
Regra e cinta métrica
Trade, brocas e moldeadores para madeira (tamén pódese facer
con berbequí con moita paciencia)
Lixa para madeira
Verniz, tinguidura á auga, pintura, etc.…
Bolas de cristal
Elaboración
1º paso: medimos a base de madeira e coa regra buscamos o
centro, e a partires de aí marcamos co lapis os puntos onde imos tradear e rebaixar
para que encaixen as bolas.
2º paso: Nos puntos marcados tradeamos un pouco cunha
broca fina de madeira (3/4) para que nos sirva de guía para despois rebaixar co
accesorio moldeador para trade.
3º paso: lixamos toda a superficie e os buracos para que
nos colla mellor o tinguidura ou verniz que imos empregar.
4º paso: vernizamos coa cor, tinguidura ou pintura escollida
(nos xa tiñamos verniz de cor caoba que fai un contraste xenial coas bolas brancas)
e deixamos secar o tempo necesario. Se é preciso e queremos aplicamos unha
segunda capa de verniz.
¡E a xogar! Un excelente xogo de habilidade mental que ademais
queda moi decorativo na casa. Agardamos que vos gustara e ata a vindeira “trebellada”.
NOTA: nos colocamos as bolas que imos quitando nun bol, se
podedes e o vos material o permite, facer un surco ao redor do taboleiro para
recoller as bolas.
INSTRUCIÓNS DO XOGO: O xogo consta dun taboleiro con 33 buracos, en cada un colocase
unha bola, excepto no buraco central. A solución do xogo consiste en deixar unha
única bola no buraco central. Soamente se emprega un único movemento que é que
unha bola salta sobre outra e cae nun buraco baleiro, a bola saltada é
eliminada.
Ningún comentario:
Publicar un comentario